Реверс-задолжница
Овој документ се изработува така што во програмата за изработка на фактури ќе се избере соодветниот тип на документ (бр.1 на сликата). Се внесува купувачот за кој се однесува задолжението. Доколку се работи за вработен, тој треба да се пријави како купувач и да се означи како вработен во панелот за пријава.
Во насловот на документот може да се внесе и рокот за враќање на издадената стока.
Во ставките се внесуваат сите продукти со кои се задолжува.
Со овој документ се врши намалување на залихата на задолжените продукти во дадениот магацин, бидејќи тие излегуваат од магацинот..
За печатење на Реверсот, се повикува специјалниот урнек со назив „Реверс“
Изглед на испечатен Реверс-задолжение
Реверс-повратница
Документот за поврат на стока земена на реверс се изработува така што се повикува програмот за „Сторно документи/Одобренија“.
Потоа, се избира соодветниот тип на документ (бр.1).
Се внесува купувачот за кој се однесува документот.
Во насловот на документот, треба да се избере изворниот документ – Реверсот-задолжница по кој се врши повратот на стоката.
Треба да се кликне на „Избери изворен документ“ (бр.1)
Во панелот за избор на изворни документи ќе се појави листа (бр.1) на издадени Реверси-задолженија.
Се чекира редот во кој се наоѓа односниот документ.
Потоа, се впишува документот со клик на „Впиши изворни“ (бр.2).
Избраниот документ ќе се појави во насловот на документот, во панелот „Базирано на реверс“ (види ја претходната слика).
При вносот на ставки, во листата „Продукти во изворниот документ“ (бр.1), ќе се појават сите задолжени продукти. Оние кои се враќаат, треба да се повикаат и да се снимат со соодветната вратена количина (не мора да биде иста со издадената).
Со ова, се зголемува залихата на вратените продукти во соодветниот магацин.
За да се врши контрола на издадени реверси и нивниот статус (дали е нешто вратено), од менито „Прегледи“ се повикува специјалниот преглед „Исполнетост на синџир на документи“.
Откако ќе се повика прегледот, потребно е да се избере соодветниот синџир:„Реверс-задолжница->Реверс-повратница“.
Со кликнување на „Извлечи преглед“, се добива бараниот преглед во кој се гледа статусот на реверсот и повратницата.
